مملكة الشعر والشعراء منتدى للابداع والتميز
 
الرئيسيةاليوميةس .و .جبحـثالأعضاءالمجموعاتالتسجيلدخول

شاطر | 
 

 عايزين قطز

استعرض الموضوع السابق استعرض الموضوع التالي اذهب الى الأسفل 
انتقل الى الصفحة : الصفحة السابقة  1, 2, 3, 4, 5  الصفحة التالية
كاتب الموضوعرسالة
Admin
Admin


المساهمات : 147
تاريخ التسجيل : 01/02/2015
العمر : 42
الموقع : مصر

مُساهمةموضوع: رد: عايزين قطز    الخميس أبريل 16, 2015 9:17 pm


اضغاث احلام
كلمات علاء فتحى
رأيت يوماً فى المنام
ان كل شيئ على ما يرام
النور قد عم البلاد ولم يعد فيها ظلام
والحق حراً طليقاً كالحمام
الجميع فى ارض الوطن يحيا وينعم بالسلام
رأيت الاعراض مصانة وكل الدماء حرام
الكل يحيا فى سرور وفى غاية الاحترام
ما اجمل هذا الكلام
سرعان ما استيقظت من اجمل منام
رأيت الجثث تحترق فى كل ميدان اعتصام
رأيت الفتاوى تأتى من عمق النظام
فيخرج الاحمق ليفتى واصحاب العقول نيام
فهل عدنا الى عصر الجاهلية الحرام ؟
ليفتى الجهول ابا جهل بقتل من يقول اسلام
الحق ضائع يا وطنى فى دهاليز النظام
فاما ان تخضع للغاصبين واما تكسير العظام
فهل دماء الناس لا تستحق الاهتمام ؟
فبأى ذنب قتلنا وفى اى شرع نضام ؟
اليست لنا حقوق تستحق الالتزام؟
ام ان هتافنا شئ ينزعج منه النظام
نظرت الى لسان حالنا فقلت ما هذا الكلام
اهذا تأويل رؤياى ام انه سوء الختام
ان تستباح دماءنا ويلجم الحق بالف لجام
ام انها ليست برؤيا وكانت اضغاث احلام
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://fatthey.amuntada.com
Admin
Admin


المساهمات : 147
تاريخ التسجيل : 01/02/2015
العمر : 42
الموقع : مصر

مُساهمةموضوع: رد: عايزين قطز    الخميس أبريل 16, 2015 9:13 pm


ثابت يا دفعه
كلمات علاء فتحى
ــــــــــــــــــــــــــــــــ
ثابت يا دفعه رافع سلاحك ضد مين؟
رافع سلاحك عالغلابه المطحونين؟
اللى خارجين عشانا وعشانك وعشان اخواتنا المظلومين
تقدر تقولى يا ابن بلدى انت بتحارب فى مين ؟
هتقولى بحارب الارهاب هضربك على وشك قلمين
مانا اصلى اخوك الكبير واللا نسيت انا ابقا مين
اصل انت عارف كويس الارهاب دا مكانه فين
يبقا ليه تغالط فى نفسك وتدعى عالمظلومين
بوص فى وشى كويس وافتكر اتقابلنا فين
فاكر زمان لما جتنا مستجد وكنا ليك مستقبلين ؟
مين اللى قسم وياك جرايته قبل مايجيلك تعيين ؟
مانا كنت زيك وخدمت فى الجيش من سنين
وكنت بنام فى الطل وباكل من التعيين
وكنت باكل فى الميس ومكنش عندنا كانتين
ولما كان البروجى يضرب على طول اقوله امين
واجرى عشان الحق طابورى وكمان اعرف خدمتى فين
تعرف كمان لما كنا بنطلع التدريب ونرجع منصورين
ولما كان القائد يشوفنا ويكافئنا بشريطين
او اجازه زياده عن دفعتنا بيوم او يومين
كنت ببقا فرحان وكانى نازل من على الجبهه وانا عالى الجبين
كان خيالى ياخدنى على شط القنال لحد سينا اللى رجعت بكفاح السنين
وكنت بوصل لابعد من كدا عارف يا دفعه كنت بوصل لحد فين
لحد امجاد الجدود واعدى عالغاليه فلسطين
وكنت بتمنى اواجه اسرائيل وارجع القدس الحزين
دلوقت غزه هى العدو؟ امال اسرائيل تبقا مين ؟
هو دا الفرق اللى بينا يا بن عمى
انت بتحارب فى جبهه مش جبهتك وانا كنت عارف عدوى مين
نسيت النشيد يا بطل وبقا نشيدك تسلم الايدين ؟
رسمنا على القلب وجه الوطن . هـ . هو فين الوطن يا حزين
سايب حدودك يا بطل يلعبو فيها الملاعين ؟
خايف من اربع صوابع وبتجرى ورا البلالين ؟
مش كفايه اللى احنا فيه ؟ بتزود همنا همين ؟
وبدال سعادتك ماتساعدنا بتقول علينا مجرمين
تكونش فعلا مصدق اننا بيك متربصين
هو انت بتصدق كلام الكدابين
دانت لو ركزت شويه وشوفت اللى بيحاكمونا مين
هتلاقيهم اغلبيتهم غوازى ورقاصين
ومعاهم شوية لصوص على اقتصادنا مكوشين
والغلابه اللى معاهم من اعلامهم مغيبين
استهدا بالله يا بن عمى وبلاش تسلم للسنين الخداعين
سلاحك ميترفعش فى وش اخوك السلاح دا يترفع عالمعتدين
يا رب تفهم يا بن عمى ايه اللى مكتوب بين قوسين
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://fatthey.amuntada.com
Admin
Admin


المساهمات : 147
تاريخ التسجيل : 01/02/2015
العمر : 42
الموقع : مصر

مُساهمةموضوع: رد: عايزين قطز    الخميس أبريل 16, 2015 9:10 pm


ايتها الجميله
كلمات علاء فتحى
ايتها الجميلةُ مالى اراكى حزينةً
وتذرفين الدمعات من عينيكى
تبكين حظاً قد بُليتى بنحسهُ
وقد كان حظكِ من آيات سعديكى
وتنعين مجداً اهدرته قلةٍ
من سوء عمل صدروه اليكى
ايا عروس النيل مالك باكيةً
يا كنانة الله رفقاً حنانيكى
يامن ابتلاك الله بشعب احمق ٍ
سلطه بعض الحاقدين عليكى
ارادو ان يولوكى شطر قبلتهم
فذادوكى عشقاً فى ثنايا قبلتيكى
كرمك رب العالمين حينما
دون غيرك قد تجلى عليكى
ايتها الاميرةُ لا تبالى بافعالهم
والقى بالهموم عن كاهليكى
فكما لكى ابناءاً تكرهين عقوقهم
لك فتية ينادون اماه لبيكى
فكلما ذاد البلاء فاننا
قلوبنا معك وليست سيوفنا عليكى
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://fatthey.amuntada.com
Admin
Admin


المساهمات : 147
تاريخ التسجيل : 01/02/2015
العمر : 42
الموقع : مصر

مُساهمةموضوع: رد: عايزين قطز    الخميس أبريل 16, 2015 9:02 pm

يا سفينه
كلمات علاء فتحى
يا سفينه
ناويه ترسى واللا ناويه تغرقى وتغرقينا
ياللى رهبانك باعوكى وضيعوكى من ايدينا
واللى عمال يخربوكى واللى احقادهم دفينه
واللى بيكسر شراعك وخلا اوضاعك مهينه
يا سفينه
والله وحشانى المدينه
من غير اسوار ولا بوابات تقسمنا وتفرق ايدينا
يا مدينه
عمرى ماتعودت منك تبقى ساكته ومستكينه
قوليلنا ليه بتمدى ايدك بالشحاته وبتكسفينا
هو انتى اصلاً غنيه ؟ واللا كنتى بتخدعينا
ماتقولينا عاللى صابك وخلا ايامك حزينه
احنا عايزينك تقومى وانتى ليه بتكتفينا
كل مانحاول نقولك انتى ايه بالنسبه لينا
بنلاقيكى فى كل حاجه من حقوقنا بتحرمينا
هو صوتنا مش واصلك واللا مش عايزه تشوفينا
فيكى من يكتم السر؟
رغم اللى شوفناه فيكى انتى لسه غاليه علينا
اوقات بافعالك بتحسسينا انك انتى بتكرهينا
لكن منقدرش نكرهك مهما كنتى بتظلمينا
والله بنحبك بجد مهما هتحاولى تهينينا
ماهو احنا ثوارك واهلك واحنا رهبان السفينه
واحنا اللى فى وقت الشدايد بترمى احمالك علينا
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://fatthey.amuntada.com
Admin
Admin


المساهمات : 147
تاريخ التسجيل : 01/02/2015
العمر : 42
الموقع : مصر

مُساهمةموضوع: رد: عايزين قطز    الخميس أبريل 16, 2015 8:59 pm

محدش يكتب فى السياسه
كلمات علاء فتحى
محدش يكتب فى السياسه اصل احنا متراقبين
جابولنا بوجى وطمطم عملوهم مخبرين
محدش يقول عالوزير دا فصيلة ابو ودنين
ولا حد يشتم حكومة كتع مش نافعين
ماهو الهبل اصله اختراع وبلدنا بلد المخترعين
طيب لما نحب نكتب ننشر اللى كاتبينه فين
يا حكومة العواجيز يا عاميه ومش شايفه غير الطبالين
بدال ماتكممو الافواه روحو شبعو الجعانين
بلاش تقطعوا الكهربا وتقعدونا مضلمين
متفجروش الابراج اللى اصلا مش شغالين
ليه الافلام العبيطه مانتوا اصلاً مفقوسين
...............................................
احسبوا الحساب كويس وسيبكو من اللى بتحسبوه
والله شعب بلدنا طيب لو تبصوله تكسبوه
هتكسبوه بالانجازات مش بالفكاكا يا ناس ياهو
دا شعب طيب لكن مش اهبل عشان تحاولوا تستعموه
شعبنا بطبيعته ثائر ومستحيل هتغيروه
اوعو تقولوا دا شعب جاهل وصوته ممكن تكتموه
صوت الحق هيفضل عالى وغصب عنكو هتسمعوه
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://fatthey.amuntada.com
Admin
Admin


المساهمات : 147
تاريخ التسجيل : 01/02/2015
العمر : 42
الموقع : مصر

مُساهمةموضوع: رد: عايزين قطز    الخميس أبريل 16, 2015 8:54 pm

انا الثوره
كلمات علاء فتحى
انا مش رئيس بياع كلام
انا مش وزير تبع النظام
انا مش شاويش سايب حدوده
وقاعد مرحرح فى الميدان
انا مش بحذر مش بندد مش بدين
مش ببرر وقفتى مع المعتدين
مش بجامل سيدى واطبطب عليه
واملا جيوبى من جيوب المطحونين
يا متباهى بسلطانك وجبروتك
يا فاكر نفسك السيد وكله عبيد فى ملكوتك
انا الثوره اللى بيها هينخرس صوتك
انا الشعب اللى رافض انه يوم يتهان
انا الثوره انا الاعصار انا البركان
انا اللى تاريخى مجدنى فى كل مكان
انا الشعب اللى رافض ينكسر
انا الحق اللى لازم ينتصر
حتى اسأل التاريخ وهو يعرفك
وان كنت نااسى غصب عنك هتفتكر

الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://fatthey.amuntada.com
Admin
Admin


المساهمات : 147
تاريخ التسجيل : 01/02/2015
العمر : 42
الموقع : مصر

مُساهمةموضوع: رد: عايزين قطز    الخميس أبريل 16, 2015 8:52 pm

جاء رمضان
كلمات علاء فتحى
جاء رمضان
ونظر الكريم بعينه على الاوطان
رأيت فى عينيه حزنا تقشعر منه الابدان
فسألته ما احزنك يا رمضان
فاجابنى بدمعة ينتفض منها الوجدان
وقال لى يا ليتنى ما كنت جئت هذا العام
فحين مررت بوطنكم ظننت انى لن اجد احدا مهان
فلم اجد وطنا يكرم فيه الانسان
لم اجد فى اوطانكم الا الانقسام
نظرت الى رابعة الصمود فلم اجد فيها اذان
فأين ذهب المصلون وقارئى القرءان
وجدت الائمة فى السجون والمنابر يعتليها الجرزان
رأيت الدماء كثيرة والاشباح تملأ المكان
رأيت بقايا جثة دهستها اقدام الطغيان
وجدت الثكالى والارامل فى كل مكان
رأيت اليتامى يبكون ولم يروا رمضان
رأيت السجون مملوءة بخيرة الفتيان
رأيت الحرائر تغتصب من الاوغاد خلف القضبان
لا اتكلم عن السياسه فانا اتكلم عن وطن مهان
فأين فرسان الامه؟ اولم يعد فيها فرسان؟
اين هم المستغفرون واين المحبون لرمضان؟
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://fatthey.amuntada.com
Admin
Admin


المساهمات : 147
تاريخ التسجيل : 01/02/2015
العمر : 42
الموقع : مصر

مُساهمةموضوع: رد: عايزين قطز    الخميس أبريل 16, 2015 8:47 pm

خايف عليكى يا مصر
كلمات علاء فتحى
خايف عليكى يا مصر ............ من لعب ولادك بيكى
واللى بيشرب من نيلك .......... وبيتآمر عليكى
فتحولى باب الحريه ............... وقالوا ادخل بس مطاطى
وهيبقى وياك الملايين .............. بس هتركع للواطى
انا قولت اموت من الجوع ............ ولا اتاجر فى دم الغلابه
طول عمرى راسى لفوق ............ وعمرى مهركع ولا اطاطى
وانا صغير مكنتش اعرف يعنى ايه كلمة وطن
يعنى ايه كلمة حبايب يعنى ايه اهل وسكن
يعنى ايه كلمة بلادى واحنا بنحى العلم
يعنى ايه مارد كبير ممكن فى قمقم يتسجن
ولما بدأت اكبر بدأت اقدرك
اكتشفت انك كبيره وانا اللى كنت مصغرك
اعذرينى مكنتش شايف
مكنتش عارف
وكنت خايف
لكن خلاص مبقتش خايف
والله العظيم مانا خايف
حالف لاشيل علمك فى ايدى واعدى بيه فوق السحاب
ياهرفعك فوق الامم يا هندفن تحت التراب
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://fatthey.amuntada.com
Admin
Admin


المساهمات : 147
تاريخ التسجيل : 01/02/2015
العمر : 42
الموقع : مصر

مُساهمةموضوع: رد: عايزين قطز    الخميس أبريل 16, 2015 8:41 pm

وقعت من فوق الحصان .......... وانكسرت خلاص يا فارس
واللى كانو بيركعولك ............... على جثتك عاملين فوارس
مش قولتلك اضرب بايد من حديد
قبل الطفيان مايزيد
عملتلى فيهاطيب
وقعدت تدادى وتطيب
لحد ما ضعت وضاع معاك حق الشهيد
ايه اللى منعك تطهر ومكشفتش حيلهم ليه
مش انا المفروض اقولك تعمل ايه
مانت شايف وكنت عارف
واللا يعنى كنت اعمى وكنت عامل نفسك شايف
كنت بتقول انك انت ابن الميدان
وكنت عامل فيها فارس الفرسان
ايه اللى خلاهم بسرعه يوقعوك من عالحصان
يا ميت خساره عليك يا فارس
ويا ميت خساره على الميدان
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://fatthey.amuntada.com
Admin
Admin


المساهمات : 147
تاريخ التسجيل : 01/02/2015
العمر : 42
الموقع : مصر

مُساهمةموضوع: رد: عايزين قطز    الخميس أبريل 16, 2015 8:38 pm

الله ينور
كلمات علاء فتحى
هديه لاهلنا الصامدين فى غزه
ـــــــــــــــــــــــــــــــ
الله ينور عالى واقف فى الميدان زى الاسد
مع انه وحده فى الميدان لكنه عالمولى اعتمد
ويقف بيصرخ مستحيل نخضع لهم
فكرتنا بايام قطز الله يعينك يا ولد
.......................................
اثبت فى ارضك يا بطل وادفن غرورهم فى الرمال
داللى انت عامله فى الميدان قالو عليه صعب ومحال
قول للى بيندد خلاص وقت الكلام راح وانتهى
ورى الشعوب الخوافين اذاى يكون عزم الرجال
يا خساره عالحكام وعالحكومات
عايشين جسد لكن ضميرهم مات
حكامنا ماتوا ودول قطيع اغنام
بيسوقهم اللى بيملك الدولارات
تسلم يمينك يا بطل يا وحش يا حامى الحما
يا اللى بايمانك بالقضيه سجلت اعظم ملحمه
خليتنا نرفع راسنا فوق بعد اما كسفونا الرعاع
ماهو مش جديد ابدا عليك اصلك مؤيد من السما
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://fatthey.amuntada.com
Admin
Admin


المساهمات : 147
تاريخ التسجيل : 01/02/2015
العمر : 42
الموقع : مصر

مُساهمةموضوع: رد: عايزين قطز    الخميس أبريل 16, 2015 8:24 pm

لما قولت اقلعى الاسود انا كنت فاكرك حزينه
اتاريكى ف عز الفرح وبتضحكى علينا
عايز اقول بكرهك ومش قادر انطقها
ولو نطقها اللسان اذاى هصدقها
وانا اللى ياما بعلو صوتى هتفت بعشقها
انا لما قولت حبيبتى فين كان املى الاقيكى
واروى ترابك بدمى واشفى المرض فيكى
قعدت اداوى المرض لحد ماتهديت
ولما رجعت قوتك بقيت غريب فيكى
انا اللى كنت عايز ارفعك فوق الامم
ليه خليتينى تحت رجلين الرمم
بقا هوا دا رد الجميل على وقفتى
بتتهمينى بكل انواع التهم
انا اللى بدمى يوم ضحيت علشانك
طلعتى خاينه العهد وبتقتلى ثوارك
وكنت فاكرك حره مابتنحنيش للظلم
اتاريكى عاشقه السجون وبتعبدى سجانك
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://fatthey.amuntada.com
Admin
Admin


المساهمات : 147
تاريخ التسجيل : 01/02/2015
العمر : 42
الموقع : مصر

مُساهمةموضوع: رد: عايزين قطز    الخميس أبريل 16, 2015 8:18 pm


الجيش مكانه عالحدود
كلمات علاء فتحى
@@@@@@@@@@@@@
الجيش مكانه عالحدود والكحك يعملوه الحريم
ومال الجيش بالمربى يا بو عقل واعى وفهيم
بقا خير اجناد الارض يشتغلوا بقالين ؟
طب والحدود يا اخوانا اللى يحرسها مين؟
مين اللى قتل العساكر واللا انتو مش عارفين
ولو كنتو مش عارفين امال اللى يعرف مين؟
اوعاكم تقولو ارهاب ولا حتى مهربين
دى منطقه عسكريه ميبيدخلهاش مدنيين
ايه اللى وصلهم هناك يا ابو مخ فاضى وتخين ؟
وحتى لو كانو هما يبقا العتب على مين؟
مش انتو اللى سايبين الحدود ؟ يدخلها ص او سين
ما تجاوب عالسؤال يا بو عقل مليان عجين
صنعتوا كام دبابه ؟ واللا انتو مش فاضيين
يا خساره يا جيش بلدنا كان املى فيكم كبير
كان نفسى تحمى الحدود وتبعد عن التحرير
كان نفسى تبعد عن السياسه دى لعبه مفيهاش خير
كان نفسى تصنع سلاحك مش تصنع كحك وفطير
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://fatthey.amuntada.com
Admin
Admin


المساهمات : 147
تاريخ التسجيل : 01/02/2015
العمر : 42
الموقع : مصر

مُساهمةموضوع: رد: عايزين قطز    الخميس أبريل 16, 2015 8:10 pm

انا مش اخوان
كلمات علاء فتحى
ـــــــــــــــــــــــــــــــــــ
انا مش اخوان
انا انسان
لانا عايز اكون ريس ولا حتى عضو فى برلمان
ولا عايز وظيفه بواسطه من فلان ولا علان
انا المصرى اللى صعبان عليه ان بلده فى يوم تتهان
ميهمنيش مين اللى يحكم مدام انسان
ماهو اللى بيقتل الانسان مهوش انسان
انا عدوى نظام فاسد بيستحوذ على الاوطان
عدوى حرامى متبجح وعايش على قفا الغلبان
عدوى يهودى متغطرس بيقتلنا فى كل مكان
انا المسلم انا الانسان
بيقولوا عليا ارهابى وشاهت صورتى فى الاعلام
ارادتى جوه السجون محكوم عليها بالاعدام
وانا المقتول وانا المسحول وانا المسجون ورا القضبان
حكايتى فى رابعه والنهضه متفرقشى عن الجولان
حكايتى فى سوريا وفى غزه كما هى فى جنوب لبنان
ودمى فى اليمن سايل وفى العراق وفى الشيشان
وشايف جثتى فى ليبيا بتتمايل مع الاكفان
ولكن رغم احزانى مصمم يبقا ليا كيان
ومش هقبل اعيش ميت فى دنيتكم ولا طرزان
ولا هكتم شهادة حق ولا هقبل اكون شيطان
ولا هسكت وانا شايف اخويا بيتئذى ويتهان
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://fatthey.amuntada.com
Admin
Admin


المساهمات : 147
تاريخ التسجيل : 01/02/2015
العمر : 42
الموقع : مصر

مُساهمةموضوع: رد: عايزين قطز    الخميس أبريل 16, 2015 12:10 pm

مصر يا اجمل عروسه
كلمات علاء فتحى
مصر يا اجمل عروسه يا احلى من كل البلاد
مالك جريحه وحزينه ولابسه لبس الحداد
طول عمرك جامده وقويه ورافعه راية الجهاد
ديما غنيه وفقيره وبتدى من غير هات
يا بنت التاريخ يا ابيه يا مسافره من غير زاد
يا عروسه من غير عريس يا مهره عايزه الواد
ياللى التاريخ مجدك قلباها ليه بسواد
ياللا انهضى من كبوتك وثورى على الاوغاد
ومتخافيش منهم دى شله مليانه بالاحقاد
لكن سلاحهم ضعيف وانتى ولادك شداد
ولادك الاحرار هيقطعوا جدور الفساد
لون الحداد مش لونك يا ام احسن ولاد
عروسه ياللا اتزينى واتجهزى للواد
يا مصر يا متعطره بالنيل وحب الولاد
اقلعى الاسود بقا مش لايق عليكى السواد
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://fatthey.amuntada.com
Admin
Admin


المساهمات : 147
تاريخ التسجيل : 01/02/2015
العمر : 42
الموقع : مصر

مُساهمةموضوع: رد: عايزين قطز    الخميس أبريل 16, 2015 12:09 pm

قالولى متحبهاش
كلمات علاء فتحى
قالولى متحبهاش ................. انا قولت طيب ليه
طب وان محبيتهاش ................. اعمل فى دمى ايه
ماهو حبها عايش فى دمى ........... وعمال بيجرى فيه
........................................................
بحبها بحبها .................... بس خايف ان حبى يضرها
بحبها وبموت فيها ............... لدرجة انى خايف بحبى أأزيها
علمونى زمان فى المدارس ........ ان الفرس ملهوش غير فارس
علشان كدا بحبها حتى لو محبتنيش ........ حتى لو مافهمتنيش
عشانها مستعد اموت .................. بس هى تعيش
حبيبتى عايشه ف خطر بسبب كلاب ابليس
وعشانها لازم اضحى واحارب الاباليس
ولو هضحى بحياتى بس البلدى تعيش
وتفضل فى نظرى عروسه ..... اجمل عروسه حتى لومكونتش انا العريس
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://fatthey.amuntada.com
Admin
Admin


المساهمات : 147
تاريخ التسجيل : 01/02/2015
العمر : 42
الموقع : مصر

مُساهمةموضوع: رد: عايزين قطز    الخميس أبريل 16, 2015 12:07 pm

انا مش قلقان
كلمات علاء فتحى
انا مش قلقان
وبرغم اللى حاصل دا كله والله مانا قلقان
مع انى بتحارب فى قوتى
وناس كتير بتتمنى موتى
مش معنى صمتى وسكوتى
انى ضعيف وجبان
والله مانا قلقان
ــــــــــــــــــــــــ
مانا اصلى صاحب رساله وصاحب الرساله كبير
ورغم انه ديما يتئذى مادد اديه بالخير
وعشان بحب العدل اعدائى ديما كتير
واقفينلى بالمرصاد ديما فى كل مكان
لكنى مش قلقان
ــــــــــــــــــــــــــــــــــــــ
عدت عليا من المحن ياما كتير ازمات
وقصاد ايمانى بقضيتى ديما يتبقا فتات
ما انا اصلى مش مجرد بشر دانا صاحب الكرامات
وفى وسط كل المحن مقبلش انى اتهان
والله مان قلقان
ـــــــــــــــــــــــــــــــــــــــــ
يقولوا عنى مغرور مايقولوا اللى يقولوه
لو مش مصدقينى هاتوا التاريخ اقروه
مانا اصلى قارى التاريخ وعارف مقامى يا هوووووووووووه
انا صاحب الارض ديا وعارفها من زمان
عشان كدا والله مانا قلقان
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://fatthey.amuntada.com
Admin
Admin


المساهمات : 147
تاريخ التسجيل : 01/02/2015
العمر : 42
الموقع : مصر

مُساهمةموضوع: رد: عايزين قطز    الخميس أبريل 16, 2015 12:01 pm

مشايخ الفته
كلمات علاء فتحى
وافتت مشايخ الفته بقتل المصريين
بيقولو عليهم خوارج معرفش فى شرع مين
فى شرع يسرا ودينا واللا شرع الهام شاهين
مفتى بتلاته جنيه معرفش دا مع مين
ممكن يكفر ابوه بس اللى يدفع مين
وبسرعه شلة شكوكو على طول يقولو امين
ويجرو عالاعلام ويروحو مبلغين
ولما يسمع كلامهم الخايب ابو ودنين
يفرح فى قتل ابن عمه ويقعد يغنى الحزين
متقولو فتوة ابوكو قريتوها فى كتاب مين
ضيعتو هيبة بلدنا وخليتونا شحاتين
يا شعب اصحا وفوق الوضع فعلا مهين
بلدنا ياللى اتغصبتى ومش عارفه تلاقيها منين ؟
من ناس بيستبيحو عرضك عديمى الوطن والدين؟
واللا من صرخة ولادك اللى فيكى مشردين
واللا من ثوار باعوكى وسلموكى للواطيين
واللا من شلة مشايخ تاجرو فيكى باسم الدين
فوق يا مصرى وشوف بلادك من عمايلك رايحه فين
وحلل المواضيع بعقلك وانسا اعلامهم يومين
وانت راح تعرف بنفسك الخوارج يبقو مين؟
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://fatthey.amuntada.com
Admin
Admin


المساهمات : 147
تاريخ التسجيل : 01/02/2015
العمر : 42
الموقع : مصر

مُساهمةموضوع: رد: عايزين قطز    الخميس أبريل 16, 2015 11:59 am

اتقسمت خلاص
واللى هيدفع التمن شعب اتقتل وانداس
ناس اتعمت من الدخان واتقتلت بالرصاص
قسموها خلاص
عملوها عسكر وقبطى .اسلامى .سلفى.اخوانى
ليبرالى .علمانى .زفتانى. قطرانى
امال فين الحج مصراوى
فين اللى خايف عالبلد وعنده اصل واساس
قسموها خلاص
حتى القضاء النزيه ضاعت نزاهته خلاص
عمال بيحكم بالبراءه على احط الناس
طب لما دول ابرياء مين اللى قتل الناس
حتى اللى عامل حامينا بيقتل ولادنا يا ناس
بيقول عليهم ارهاب معرفش على انهى اساس
حتى مشايخ الفته بيفتو بقتل الناس
باعو ضميرهم ونسيو اللى قاله رب الناس
ان اللى يقتل نفس كأنه قتل الناس
ملعونه ام الكراسى اللى بتعمى الناس
ملعون ياللى ما عندك ضمير وبتتاجر فى قوت الناس
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://fatthey.amuntada.com
Admin
Admin


المساهمات : 147
تاريخ التسجيل : 01/02/2015
العمر : 42
الموقع : مصر

مُساهمةموضوع: رد: عايزين قطز    الخميس أبريل 16, 2015 11:55 am

اختاه
عن من تبحثين
عن الاب؟ فقد مات شهيد
عن الاخ ؟ فهو فى السجون مكبلا بالحديد
عن الزوج ؟ فهو ماذال طريد
ـــــــــــــــــــــــــــــــ
اختاه
عن ماذا تبحثين
عن الحريه ؟ فنحن فى زمن العبيد
عن الوطن ؟ فالوطن ماذال شريد
عن الكرامه ؟ فقد قطعوا فيها الوريد
ـــــــــــــــــــــــــــــــــــــــــــــــــ
اختاه
فى هذا الزمان لا تنتظرى معتصم جديد
ارفعى يديكى الى السماء ولا تنتظرى عون العبيد
اطلبى من الله العون فان الله ليس ببعيد
واعلمى ان من بعد الظلام لابد من فجر وليد
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://fatthey.amuntada.com
Admin
Admin


المساهمات : 147
تاريخ التسجيل : 01/02/2015
العمر : 42
الموقع : مصر

مُساهمةموضوع: رد: عايزين قطز    الخميس أبريل 16, 2015 11:53 am

اسف يا بلد النيل ................ العدل مايل ميل
ومعادش فيكى قضاء ............. بقا شئ سخيف وغباء
بردان فى عز الصيف ............. تايه انا وضعيف
وفى عز فقر وجوع ................. حلمى مكانش رغيف
انا حلمى اعيش فى امان ............ ويبقالى فيها مكان
وابقى فى بلدى عزيز ................. ودا حقى مش احسان
نفسى يعيش مرتاح .................. البيه مع الفلاح
عمليه صعبه كتير ............... محتاجه 100 جراح
قدامى 100 سفاح ................. فاتحين عليا النار
اعدائى فيها كتار .................. ومفيش فى ايدى سلاح
شايفها لسه عروسه .......... ..... مع انى فيها بضيع
وعمرى ماكون عواد ............... ولا افكر انى ابيع
مهره ومفيش خيال .................. حمل ومفيش شيال
هما الفوارس فين ..................... ليه بس مش باينين
واللا مفيش فرسان .................. من غير صلاح الدين
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://fatthey.amuntada.com
Admin
Admin


المساهمات : 147
تاريخ التسجيل : 01/02/2015
العمر : 42
الموقع : مصر

مُساهمةموضوع: رد: عايزين قطز    الخميس أبريل 16, 2015 11:51 am

رساله للقائد صلاح الدين
كلمات علاء فتحى
اوعاك تزعل منى يا جدى ................... اصل دى حاجه ماهش بارادتى
واقف ساكت وانا بتفرج ..........................والاوغاد بيدوسو فى ارضى
فين ايامك فين حطين ............................ لما هزمت الصليبيين
شوف دلوقت بحارب مين ......................... حتى ولاد العم يا جدى
غصب عنى احلامك ضاعو ......................... والفرسان عن دورهم تاهو
اوباما واشتون ونتنياهو .......................... هما اصحاب الحكم فى ارضى
غصب عنى ومش بأديا .................................... كل بلاد الدنيا عليا
لو فكرت ارد شويا .......................................... اولاد عمى بيقفوا ضدى
قالو سلام قولنا موافقين .............................. قولنا هنبدأ بفلسطين
ولما بدأنا لقينا جنين ..................................... عمال تنزف دم يا جدى
دخلو علينا دخله تمام .................................... بكدبه بيسموها سلام
واللى يدافع عالاسلام ...................................بيسموه ارهابى يا جدى
عدا عليا ايام وسنين ..................................... وانا بتقطع قلبى حزين
كل ماشوف ارض فلسطين .................... وغيرها فى ايد اعدائى ياجدى
من غير عقل مشينا وراهم ............................. فى كل كلامهم صدقناهم
لما صغرنا وكبرناهم .................................. وطمعو فيا واخدو ارضى
يوم البعث راح اعمل ايه ................................... لو تسألنى اخبارك ايه
يومها ارد واقولك ايه ................................ واذاى اوريك وشى ياجدى
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://fatthey.amuntada.com
Admin
Admin


المساهمات : 147
تاريخ التسجيل : 01/02/2015
العمر : 42
الموقع : مصر

مُساهمةموضوع: رد: عايزين قطز    الخميس أبريل 16, 2015 11:49 am

حوار مع صلاح الدين
كلمات علاء فتحى
جانى صلاح الدين فى المنام ......... قاللى ايه اللى خلاك تنام
بتغفل ليه عن الامانه ................. لحد اما فلت الزمام
نظرتله بنظرة حنين .................. ومديتله ايدى اليمين
صرخ فى وشى وقالى ............... هتسلم يا واد على مين
مش عيب عليك ياحفيدى ............. المجد ابنيه بايدى
وتهده بايدك يا خايب .......... ..... وتقطع بايدك وريدى
الذل مالى عنيك ................. وعايزنى اسلم عليك
وفاكرنى ممكن ارضى ............. احط ايدى فى ايديك
قولتله اسف يا جدى .............. الحمل كبير مش ادى
وزمانى غير زمانك .............. والعالم كله ضدى
احمرت عنيه الاتنين ............ وجه وضربنى قلمين
وقالى اسكت يا خايب ........... جبت الخضوع دا منين
طول عمرى فارس الفرسان ..... واذاى حفيدى يبقى جبان
مانا ياما حاربت لوحدى ......... ومهربتش من الميدان
الدنيا كانت ضدى .............. وفضلت واقف وحدى
جه وطبطب عليا .............. وقاللى اجمد شويه
عدوك مش اقوى منك .......... عشان تبيع القضيه
وادانى سيف وقالى ............ خد سيفك يا فارس
وانهض وجمع اللى ........... فاضل من الفوارس
ورجع الارض اللى ............ ضاعت من سنين
يومها بس هقول ............ حفيدى اصبح فارس
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://fatthey.amuntada.com
Admin
Admin


المساهمات : 147
تاريخ التسجيل : 01/02/2015
العمر : 42
الموقع : مصر

مُساهمةموضوع: رد: عايزين قطز    الخميس أبريل 16, 2015 11:45 am

اقلعى الاسود
قومى اقلعى الاسود يا حلوه والبسى الابيض عشانى
مانا اللى جايلك من بعيد وعارف انك مستنيانى
راجع عشان ارجعك ست الامم من تـــــــــــانى
انا اللى اقوى من المحن وسر قوتى فى ايمانى
انا اللى فوق عرشك مربع مش هسيبك يوم تعانى
ماتخلقش اللى ينافسنى يوم ولا ياخد مكانى
لو احس انك فى ازمه فى لحظه بجرى اركب حصانى
وامسك السيف البتار واقضى بيه على اى جانى
انا سيف قطز فى عين جالوت وانا عصاة موسى اللى رمانى
وشق بيا البحر وعدا وبعدها البحر رجع تانى
انا التين اللى اقسم بيه رب العباد وسمانى
محدش هيحميكى غيرى ماهو اصل انا الحلوانى
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://fatthey.amuntada.com
Admin
Admin


المساهمات : 147
تاريخ التسجيل : 01/02/2015
العمر : 42
الموقع : مصر

مُساهمةموضوع: رد: عايزين قطز    الخميس أبريل 16, 2015 11:40 am

خايف عليكى يا مصر
من لعب ولادك بيكى
واللى بيشرب من نيلك
وبيتآمر عليكى
متنكسريش وميهمكيش
دى سحابه وتعدى
دانتى اللى طول عمرك قويه
وفى الشده بتسدى
ديما قويه فى المحن
وفى الصخر بتعدى
ــــــــــــــــــــــــــــــــــــــــــــــــــ
زمان مكنتش اعرف يعنى
ايه كلمة وطن
يعنى ايه كلمة حبايب
يعنى ايه اهل وسكن
يعنى مارد كبير ممكن
فى قمقم يتسجن
يعنى ايه كلمة بلادى
واحن بنحيى العلم
ــــــــــــــــــــــــــــــــــــــــــــــــــــــــــ
لما بدأت اكبر بدأت اقدرك
اكتشفت انك كبيره وانا اللى كنت مصغرك
اعذرينى مكنتش شايف
مكنتش عارف
وكنت خايف
لكن خلاص مبقتش خايف
والله العظيم مانا خايف
حالف لاشيل علمك فى ايدى
واعدى بيه فوق السحاب
ياهرفعك فوق الامم
يا هندفن تحت التراب
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://fatthey.amuntada.com
Admin
Admin


المساهمات : 147
تاريخ التسجيل : 01/02/2015
العمر : 42
الموقع : مصر

مُساهمةموضوع: رد: عايزين قطز    الخميس أبريل 16, 2015 11:27 am

احتارت الاوراق
كلمات علا فتحى
احتارت الاوراق من حيرة الكاتب
حلف القلم وقال والله مانا كاتب
سميت باسم الله وبدات بكلامى
وصليت على المصطفى وختمت بسلامى
وبعت لفلسطين بدموعى برقيه
وبصيت على غزه الدمع فاض من عنيا
ولسوريا ارض الشام كتبت باديا
اصبر يا شعب عظيم دى العزه مش ببلاش
والنصر جاى اكيد بس ا اعقد النيه
بصيت على ارض اليمن وفجاه خدنى الحنين
مقدرتش اكتم حزنى ولا دمعى جوه العين
مش هو دا اليمن السعيد امال السعاده فين
بصيت على ارض العراق اهل الكرم والجود
لقيتها غرقانه ف جراحها والفرح مش موجود
من شعب مصر الجريح لاولاد عروبتنا
احنا انضربنا كتير والضربه وجعتنا
بس السحابه اكيد هتعدى هتعدى
وهييجى يوم وتعود من تانى عزتنا
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://fatthey.amuntada.com
 
عايزين قطز
استعرض الموضوع السابق استعرض الموضوع التالي الرجوع الى أعلى الصفحة 
صفحة 4 من اصل 5انتقل الى الصفحة : الصفحة السابقة  1, 2, 3, 4, 5  الصفحة التالية

صلاحيات هذا المنتدى:لاتستطيع الرد على المواضيع في هذا المنتدى
مملكة الشعر والشعراء :: الشاعر علاء فتحى-
انتقل الى: