مملكة الشعر والشعراء منتدى للابداع والتميز
 
الرئيسيةاليوميةس .و .جبحـثالأعضاءالمجموعاتالتسجيلدخول

شاطر | 
 

 عايزين قطز

استعرض الموضوع السابق استعرض الموضوع التالي اذهب الى الأسفل 
انتقل الى الصفحة : الصفحة السابقة  1, 2, 3, 4, 5
كاتب الموضوعرسالة
Admin
Admin


المساهمات : 147
تاريخ التسجيل : 01/02/2015
العمر : 42
الموقع : مصر

مُساهمةموضوع: رد: عايزين قطز    الخميس أبريل 16, 2015 11:25 am

الى الفارس العربى
مالك يا فارس
كلمات علاء فتحى
مالك يا فارس بتتلفت شمال ويمين
مستنى مين
مستنى تانى يعود صلاح الدين
مستنى واحد مات وعدا عليه سنين
طب وانت فين
مش بردوا انت حفيد صلاح الدين
واللا احنا مش عارفين
واللا العدا قدروا ينسوك انت مين
واللا انت ماتهزيتش من الصوت الحزين
شوف اللى حاصل فى العراق واللى فى جنين
والمسجد الاقصى اللى عايش بين نارين
عمال ينادى على الفوارس من سنين
واحنا اللى ساكتين
واحنا اللى نايمين
دالنحل لو خاف من عدوه بيقلقوا بصوت الطنين
وانت اللى فارس فى قمقمك عايش سجين
ادى اليمن بعد السعاده صبح حزين
وبلدنا مصر اللى اترمت فى صراع مهين
وسوريا الغريقه فى دمها ينجدها مين
وليبيا اللى دمرها الصراع احلامها فين
لساك بتتلفت شمال ويمين
مستنى تانى يعود صلاح الدين
طب لو رجع هاتقوله ايه وتحلف بمين
لو يسالك عن الامانه وديتها فين
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://fatthey.amuntada.com
Admin
Admin


المساهمات : 147
تاريخ التسجيل : 01/02/2015
العمر : 42
الموقع : مصر

مُساهمةموضوع: رد: عايزين قطز    الخميس أبريل 16, 2015 11:23 am

هسافر برا مصر
كلمات علاء فتحى
@@@@@@@@
هسافر برا مصر
لحد ماترجع مصر
@@@@@@@@@@@@
لحد ماترجع بلدى تبقى ام الدنيا بجد
ونبطل نبقا عاله ونمد ايدنا لحد
ونرجع شعب واحد وبيننا الجدار يتهد
وجيشنا يعود مكانه يحمى ويحرس مصر
@@@@@@@@@@@@@@
لحد ماترجع بلدى انا ماشى ومش هاعود
وهعيش وحيد فى الغربه ودمعى فوق الخدود
وقلبى يحن لترابها وعنيا على الحدود
وهفضل ادعيلها ترجع من تانى لينا مصر
@@@@@@@@@@@@ر
مش بالكلام نبنيها ومش بالوعود هنعيش
بلدنا دوله غنيه بطل تقولى مفيش
لو مش عارف قيمتها سيبها وهى تعيش
ومن غيرك هتعلا وتبقا ام الدنيا مصر
@@@@@@@@@@@@@@@
مش اجدد التأشيره وهضرب على الباسبور
ومن غير سلام يا كفيلى مش عايز اشوفك غور
بايدى هرجع بلدى من تانى تشوف النور
ونرجع شعب واحد ونغنى تحيا مصر
@@@@@@@@@@@@@
لحد ما ترجع بلدى هفضل اثور واثور
وهفضل احارب الضلمه لحد اما اشوف النور
ومش هارتاح يا بلدى غير لما الغمه تغور
وساعتها بس هقدر اتباهى ببلدى مصر
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://fatthey.amuntada.com
Admin
Admin


المساهمات : 147
تاريخ التسجيل : 01/02/2015
العمر : 42
الموقع : مصر

مُساهمةموضوع: رد: عايزين قطز    الخميس أبريل 16, 2015 11:13 am

يا دوله
كلمات علاء فتحى
يا دوله بتبرأ الحرامى وبتحبس المسروقين
بتبيحى القتل والسرقه وبتجرمى البلالين
بتقتلى العلماء وتحافظى عالرقاصين
بتحضنى الحراميه ودايسه عالمطحونين
بتحمى بتوع الدعاره وبتقتلى الساجدين
بتغنى للى يبيعوكى وكارهه اللى بيقول دين
جيشك دخل فى السياسه وخلا وضعك مهين
وحمايتك لاهل المصالح خلا سمعتك فى الطين
وبرغم انك غنيه تملى ماده الايدين
متعوده عالشحاته مع ان اقتصادك متين
سايقه الهبل عالشيطنه وبتشحتى من الشحاتين
فيكى الفكيك يبقا ريس والحق هو السجين
ياللى حبستى العداله ولعبتى بالقوانين
حكموكى شوية عجايز امال شبابك فين؟
سايبين كلاب السرايا بيشيلوكى الطين
معقوله تبقى بلدنا ؟ بلدنا راحت فين ؟
بلدنا مصر الحره محبوسه فى الزنازين
لسه الشباب بيثور ومنور الميادين
هيجيبو حقك يا حره ويطلعو المساجين
المهر غالى قوى بس الشباب غاويين
حالفين ليحرروكى وان كان اللى ساجنك مين
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://fatthey.amuntada.com
Admin
Admin


المساهمات : 147
تاريخ التسجيل : 01/02/2015
العمر : 42
الموقع : مصر

مُساهمةموضوع: رد: عايزين قطز    الأربعاء أبريل 15, 2015 12:43 am

انا الشعب
كلمات علاء فتحى
مالك كدا بتبصلى من فوق لتحت
وكأنى مخلوق درجه تانيه وانت وحدك اللى فلحت
اصحا وفوق وانظر لوضعك لو سمحت
انا اللى هقدر انزلك  مهما شطحت
انا الشعب انا الدوله انا المؤسسات
وانت الحرامى ابو بندقيه اللى واقف يقولى هات
طب قولى اجبلك منين وانت بترميلى الفتات
انا الفلاح اللى بيزرع ومن حصاده انت بتاكل مم .
انا الدكتور اللى بتجرى عليه لما يصيبك مرض او هم
انا المهندس اللى بانى مكنتك اللى فيها جتتك بتتلم
باختصار انا النجار
انا البنا اللى بايديه اصبح بقالك دار
انا الترزى اللى خيطلك هدمتك وركبلك الزرار
عمال تقولى تفويض تفويض
هو الشعب المصرى كان لاهلك عبيد
واللا عشان شوية مغيبين ماشيين وراك هتقعد تعيد وتذيد
تقدر تقولى انت مين ؟
بتحمى الحدود واللا بتحمى مين ؟
انت غراب البين
اللى  واقف فى الميدان بينهش فى لحم الطيبين
انا اللى خير اجناد الارض وانت اللى سمعتك فى الطين
انا اللى حامى الحما وانت اللى حامى الرقاصين
.. انت من غيرى هوا ومتساويش حتى العجين
انت مين
حابس شيوخنا وسايبنا لشوية دجالين
مسلط علينا اعلامك وشلة النصابين
اسمع يا اخ الكلمتين
انت ممكن تكون نجحت تقسم بلدنا لفرقتين
فرقة المعاتيه حبايبك وفرقة المتشردين
بس مش ممكن هاتقتل فينا كلمة مصريين
بكره جاى وراح نجيبكم فى الميدان متسلسلين
اصل دا الوضع الطبيعى للى زيك مغرورين


عدل سابقا من قبل Admin في الخميس أبريل 16, 2015 11:21 am عدل 2 مرات
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://fatthey.amuntada.com
Admin
Admin


المساهمات : 147
تاريخ التسجيل : 01/02/2015
العمر : 42
الموقع : مصر

مُساهمةموضوع: رد: عايزين قطز    الأربعاء أبريل 15, 2015 12:40 am


مالك يا سمره
كلمات علاء فتحى
مالك يا سمره
عمال بتبكى وتلعنى فى ليالى غبره
مانتى اللى ياما عدا عليكى وكنتى صابره
اشمعنا النهارده بتنحنى لعصابه فاجره
ـــــــــــــــــــــــــــــــــــــــــــــ
مش هما دول اللى انتى حسباهم ولادك
طب ليه باعوكى وغيرو ملامح ترابك
قسموكى لالف مله ولخبطوا جملة حسابك
ولسه حاسباهم ولادك
ــــــــــــــــــــــــــــــــــــــــــــــــــ
حولونا لماريونيت
لعبه فى ايدين ابن الباشا والباشا والست
مبقتش فارقه عندهم بقا كله واحد واد وبنت
ــــــــــــــــــــــــــــــــــــــــــــــ
زمان لما كنت ادخل غيطان الفلاحين
وامسك بايدى الطين
كنت احس بالمسك فايح من ايديا المتعاصين
كنت بحمد ربنا انى متربى فى ارض الطيبين
ايه جرالنا واللى غير حالنا مين
ـــــــــــــــــــــــــــــــــــــــــــــــــــ
مالك يا امى
بتبكى ليه ديما عليا وشايله همى
وحابسه نفسك جوه هدمه عليها دمى
وصعبان عليكى اوى انى انقتل من ابن عمى
مانتى اللى علمتينى اكون راجل وتبقا بلدى همى
قضيتى مش مين قتلنى واللا خاننى
مانا اصلى حقى فى السما باقى ومش هيضيع يا امى


عدل سابقا من قبل Admin في الخميس أبريل 16, 2015 11:20 am عدل 4 مرات
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://fatthey.amuntada.com
Admin
Admin


المساهمات : 147
تاريخ التسجيل : 01/02/2015
العمر : 42
الموقع : مصر

مُساهمةموضوع: رد: عايزين قطز    الجمعة فبراير 06, 2015 10:09 pm


صباح الخير يا مصر يا ارض الهرم والنيل
صباح الخير يا سوريا يا غاليه شدى الحيل
صباح الخير يا فلسطين يا قلب الوطن يا عليل
صباح الخير يا عراق يا شمعه ف ضلام الليل
صباح الخير يا تونس يا شعب واعى واصيل
صباح الخير يا قطر فى عنيا اشيلك شيل
صباح الخير يا كويت البعد طال يا جميل
صباح يا عمان يا اسمر يا طب العليل
صباح الخير يا جزائر يا بلد المليون شهيد
صباح الخير يا اردن يا بسمه فى يوم العيد
صباح الخير يا امارات مستنيين الفجر الجديد
صباح الخير يا لبنان يا بلدنا يومك سعيد
صباح الخير يا مغرب ليا فى ارضك حبيب
صباح الخير يا سودان يا ابو قلب زى الحليب
صباح الخير يا يمن جايه السعاده قريب
صباح الخير يا بحرين عن بالى يوم ماتغيب
صباح الخير يا ليبيا يا ام الكرم والطيب
صباح الخير يا سعوديه مشتاق لزيارة الحبيب


عدل سابقا من قبل Admin في الخميس أبريل 16, 2015 11:16 am عدل 1 مرات
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://fatthey.amuntada.com
Admin
Admin


المساهمات : 147
تاريخ التسجيل : 01/02/2015
العمر : 42
الموقع : مصر

مُساهمةموضوع: رد: عايزين قطز    الجمعة فبراير 06, 2015 9:46 pm

غاضبون
كلمات علاء فتحى
هذه بلادنا
جيشاً وشعباً اقباطاً ومسلمون
نشأنا على ارضها اخوة متحابون
كما قال لنا الاهنا كنا بحبل الله معتصمون
من اراد بنا السوء كنا له رادعون
كنا على حب الوطن متنافسون
الجيش على الحدود يحمى البلاد من المتآمرون
والشعب فى ظهر جيشه يحمى المنازل والحصون
ومضت السنون تلو السنون
والاخوة اصبحوا على بعض ينقلبون
اصبحنا لعبة فى يد ابناء صهيون
وبعد ان كان اعدائنا فى الغرب ظاهرون؟
اصبح الغرب هو الصديق واشقاؤنا هم المعتدون
ايها الفرسان
ماذا انتم فاعلون
اضللتم الطريق ام انتم منذ البداية ضالون
خلقنا الله باخلاق العرب فلماذا تفرنجون
غاضبون
من افعالكم انا غاضبون
اقتلوا من شئتم فالحر لا يخاف المنون
ولن تفلحوا ومن العقاب لن تفلتون
فنحن لن نسامح فى الدماء ولن نخون
اتريدون اخراسنا ؟ والله لن تستطيعون
والمغرضون
فى ابواق اعلامكم ينهقون
بدماء واعراض المسلمين يتاجرون
يا مغيبون
انهم عليكم يضحكون
يشغلونكم بالسياسة وهم لقتلكم يعدون
وانتم وراء المناصب تلهثون
فمتى تستيقظون
يا غافلون
انهم يعدون لكم العده
وانتم فى احضان الراقصات تترنحون
اخطأتم فهم الحديث ومازلتم تخطئون
فخير اجناد الارض باهلهم لا يتربصون
لا يستبيحون اعراضهم ولا يقتلون
هل ستعودون لرشدكم ام لستم عائدون
الا تخجلون
حين تغتصب الحرائر فى السجون
وابنائنا على الحدود يقتلون
وانتم فى مستنقع السياسة تسبحون
فأى ارهاب تحاربون
ابقتل الابرياء تفتخرون
على ماذا تتصارعون ؟
على المناصب ؟ فوالله عباد المناصب زائلون
لقد كافئتم اسرائيل بما لا يحلمون
افرحوا يا ابناء صهيون
فقد مات اللذين كانوا فى وجوهكم واقفون
واحفاد حطين اصبحوا بايدى اخوتهم يذبحون
يا اخوتنا . يا ابنائنا اولم يئت الاوان لتعقلون
مكانكم على الحدود لارض الوطن تحمون
فالمواجهة قادمة لا محاله فهل انتم لها مستعدون


عدل سابقا من قبل Admin في الخميس أبريل 16, 2015 11:18 am عدل 1 مرات
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://fatthey.amuntada.com
Admin
Admin


المساهمات : 147
تاريخ التسجيل : 01/02/2015
العمر : 42
الموقع : مصر

مُساهمةموضوع: رد: عايزين قطز    الجمعة فبراير 06, 2015 9:42 pm

سنينك العجاف
كلمات علاء فتحى
*************
طالت سنينك العجاف لكن عزيزك جاى
هيجيب معاه الفرح ويجيب معاه الضى
يا واحده عبر الزمان ولا ليكى ابداً زى
يا ما انضربتى كتير ولا قولتى عمرك اى
فى الصبر ضاربه المثل فى العزه كايده الحى
مين اللى يستغنى عنك دانتى النفس والمى
*************************
انتى الحياه والوجود والاهل والاحباب
مانتش مجرد بلد ومانتش مجرد تراب
عمرك الاف السنين ولسه فى عز الشباب
ميهمكيش من الكدابين ولا تعمليلهم حساب
دانتى مقامك فى السما ميزهكيش الضباب
دا الاسد هيفضل اسد حتى ان كلوه الكلاب
**************************
عايزين قال  يحكموكى بالقمع والمتاريس
وعمال بيجرفوكى وفاتحين عليكى الهويس
وعمال بيتاجرو فيكى فاكرين مهرك رخيص
فاكرينك اى عروسه وعايزه اى عريس
ماهو اصلهم مش مذاكرين ولا بصوا فى الكراريس
وميعرفوش ان التاريخ مفيهوش مكان لخسيس
خليكى شاهده عليهم وسجلى الملاحيظ
وان طالت السنين العجاف لازم هييجى العزيز


عدل سابقا من قبل Admin في الخميس أبريل 16, 2015 11:17 am عدل 1 مرات
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://fatthey.amuntada.com
Admin
Admin


المساهمات : 147
تاريخ التسجيل : 01/02/2015
العمر : 42
الموقع : مصر

مُساهمةموضوع: عايزين قطز    الجمعة فبراير 06, 2015 9:21 pm

عايزين قطز
كلمات علاء فتحى
ـــــــــــــــــــــــــــــــــــ
عايزين قطزاصل التتار جايين
بياكلوا اخضر ويابس وعالوطن متفرعنين
بيحرقوا المساجد وبيقتلوا فى المسلمين
وجيشنا العظيم سايب حدوده وقاعدلى فى الميادين
ــــــــــــــــــــــــــــــــــــــــــــــــــ
يرحم زمانك يا شيخنا العز بن عبد السلام
لا عمرك خضعت لظالم ولا بررت استسلام
ولا عمرك شاركت ف دم ولا قولت اى كلام
دلوقت المشايخ بقوا مخبرين تحت رجلين النظام
ـــــــــــــــــــــــــــــــــــــــــــــــــــــ
امانه ياللى تشوف قطز قول له يجيلنا قوام
ويجيب معاه السيف ويجيب معاه فرسان
وتقوله جيشنا العظيم بئا للعدا خدام
وحكامنا باعو القضيه وماعادلناش حكام
وعين جالوت اتنست واتحولت لكلام
نحكيه لبعض ف سهره حلوه وبعده نرجع ننام
ــــــــــــــــــــــــــــــــــــــــــــــــــــــ
عايزين قطز يرجع يقول وا اسلاماه
ويرفع الرايه والكل يتجمع وراه
عايزين قطز يرجع يلملم شملنا
ويخلى جيشنا يعود ويحمى ارضنا
ومن اللى خان وظلمنا ياخد حقنا
والود  تانى يعود بين جيشنا وشعبنا


عدل سابقا من قبل Admin في الإثنين أبريل 27, 2015 1:27 pm عدل 4 مرات
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://fatthey.amuntada.com
 
عايزين قطز
استعرض الموضوع السابق استعرض الموضوع التالي الرجوع الى أعلى الصفحة 
صفحة 5 من اصل 5انتقل الى الصفحة : الصفحة السابقة  1, 2, 3, 4, 5

صلاحيات هذا المنتدى:لاتستطيع الرد على المواضيع في هذا المنتدى
مملكة الشعر والشعراء :: الشاعر علاء فتحى-
انتقل الى: